شقق فخمة للبيع والاسعار خيالية

بسم الله الرحمن الرحيم

احبائى فى الله السلام عليكم ورحمة الله وبركاته

كلنا شباب وعاوزين نتجوز والمشكلة هى الشقة فأنا عندى الحل

فرصة عظيمة

بيوت للبيع وبأسعار خيالية

· مواصفات البيت: طوبة ذهب وطوبة فضة
· الموقع: في جنة الرحمن ( و سيأتي تفصيل للاماكن المتاحة )
· الجار : خير الأنام سيدنا محمد صلى الله عليه وسلم وخيار الصحابة والانبياء والمرسلين
· السقف: عرش الرحمن
· السعر : (12) ركعة سنة في اليوم

قال رسول الله صلى الله عليه وسلم
لبنة ذهب ولبنة فضة ، وملاطها المسك
وحصباؤها اللؤلؤ والياقوت وترابها الزعفران من يدخلها
ينعم لا يبأس ويخلد لا يموت لا تبلى ثيابه ولا يفنى

طبعآ كلكم عاوزين تعرفوا ال12 ركعة

اتفضلوا ال12 ركعة هم

ركعتان قبل صلاة الفجر
أربع ركعات قبل صلاة الظهر وركعتان بعدها
ركعتان بعد صلاة المغرب
ركعتان بعد صلاة العشاء

قال صلى الله عليه وسلم
(ما من عبد مسلم يصلي لله تعالى كل يوم اثنتي عشرة ركعة تطوعا
غير الفريضة إلا بنى الله له بيتا في الجنة) رواه مسلم

يا اعضاء يا مشرفين ماى ايجى هل من مشترى

طيب تعالوا نشوف مواصفات البيت ومقاساته

علشان مش تقولوا مودى السمسار ضحك علينا

قال رسول الله صلى الله عليه وسلم
( إن في الجنة غرفاً من أصناف الجوهر كله يرى ظاهرُها
من باطنها وباطنها من ظاهرها فيها من النعم واللذات
ما لا عين رأت ولا أذن سمعت )
صدق رسول الله صلى الله عليه وسلم

على فكرة البيت ده امامه حديقة بها شجر ونخل وثمار
لكن الحديقة وما فيها مش تبع البيت بس ممكن تشتريها
بسعر خيالى برده مش مصدقين طيب اقولكم
سعر النخلة بسبحان الله وبحمده سبحان الله العظيم
شوف بقى انت عاوز تشترى كام نخلة
اما بالنسبة للشجر فأقرأ قول رسول الله صلى الله عليه وسلم
( إن في الجنة لشجرة يسير الراكب في ظلها مائة عام لا يقطعها )
والثمار قال الرسول صلى الله عليه وسلم
( إن الرجل إذا نزع ثمرة ً من الجنة عادت مكانها أخرى )
صدق رسول الله صلى الله عليه وسلم

لو البيت ده معجبكش فى بيوت تانية بس السعر
هيزيد شوية علشان الموقع بتاعه ده على النيل يا عم

منزل بمنطقة هادئة بجوار نهر الكوثر !!

قال رسول الله صلى الله عليه وسلم (الكوثر نهر في الجنة حافتاه من
ذهب ومجراه على الدر والياقوت تربته أطيب من المسك
وماؤه أحلى من العسل وأبيض من الثلج )
صدق رسول الله صلى الله عليه وسلم

طيب تعالوا معايا شوفوا البيت ده كمان
بس مش لأى حد البيت ده لكن والله ممكن تشتريه

منزل بمنطقة رومانسية بجوار نهر البيدخ حيث الحور العين !!

قال ابن عباس : إن في الجنة نهراً يقال له البيدخ عليه قباب من
ياقوت تحته حور ناشئات ، يقول أهل الجنة : انطلقوا بنا
الى البيدخ ، فيجيئون فيتصفحون تلك الجواري ، فإذا أعجب رجلاً
منهم جارية مس معصمها فتتبعه

طيب اقرأ هذا الحديث وآنت بتقرأعاوزك تتخيل الجنة

قال رسول الله صلى الله عليه وسلم : ( ألا مشمر للجنة فإن الجنة لا
خطرلها هي ورب الكعبة نور يتلألأُ وريحانة تهتز وقصر
مشيد ، ونهر مطرد وثمرة نضيجة وزوجة حسناء جميلة وحلل
كثيرة في مقام أبداً في دار سليمة وفاكهة وخضرة وحبرة
ونعمة ، في محلة عالية بهية )
صدق رسول الله صلى الله عليه وسلم

كده خلاص عرفت انك هتشترى وياريت لو عندك حد تانى
وعاوز يشترى له بيت ياريت تقوله ان فيه بيوت كتير
ومتنساش تقوله على الاسعار بتاع البيوت وليك الحلاوة يا عم

يا جماعة انا عاوز منتدى ماى ايجى كله يشترى